ზუგდიდის მუნიციპალიტეტის მერია “რუსთავი 2“-ს უჩივის

ზუგდიდის მუნიციპალიტეტის მერია „რუსთავი 2“-ის ეთერში გასულ სიუჟეტს ეხმაურება და სამაუწყებლო კომპანიას ინფორმაციის განზრახ დამახინჯებაში ადანაშაუალებს. ამის შესახებ  ზუგდიდის მუნიციპალიტეტის მერია იტყობინება.
„ვეხმაურებით, გასულ კვირას „რუსთავი 2“-ის ეთერში გასულ სიუჟეტს, რომელიც ზუგდიდის მუნიციპალიტეტის ტერიტორიაზე რეგისტრირებულ მძიმე სოციალურ მდგომარეობაში მყოფ მოქალაქეთათვის უფასო კვებით უზრუნველყოფას ეხებოდა. ინფორმაცია, რომელიც „კურიერის“ ეთერში გავიდა, არ შეესაბამება სიმრთლეს. გთავაზობთ რეალურ სურათს უფასო სასადილოსთან დაკავშირებით. 
ზუგდიდის მერია ტელეკომპანიას ჟურნალისტური ეთიკის ქარტიის დარღვევაში ადანაშაულებს. მერია მიიჩნევს, რომ „რუსთავი 2“-მა დაარღვია ქარტიის პირველი და მეთერთმეტე მუხლები, რაც ეთერში გადაუმოწმებელი ინფორმაციის გაშვებას და ინფორმაციის განზრახ დამახინჯებას გულისხმობს. მერია ეთიკის ქარტიას განცხადებით უახლოეს დღეებში მიმართავს“, – ნათქვამია მერიის მიერ გავრცელებულ განცხადებაში.