ბათუმში, 14 ივნისს უზბეკი ქალის მიერ ცემით მოკლული მეგობრის შვილი, 4 წლის გოგო დღემდე პროზექტურაში რჩება. როგორც ირკვევა, მისი დაკრძალვა აქამდე არავის მოუთხოვია. როგორც imedinews-ს შინაგან საქმეთა სამინისტროში განუცხადეს, უწყებას ამ დრომდე აქვს კომუნიკაცია გარდაცვლილი ბავშვის დედასთან, რომელიც ბათუმში ჩასვლას აქამდე ვერ ახერხებს. გავრცელებული ინფორმაციით, ის თურქეთშია.
როგორც უწყებაში განმარტავენ, 4 წლის გოგოს ვერ დაკრძალავენ, სანამ ამაზე დედის ან მინდობილი პირის თანხმობა არ იქნება.
გავრცელებული ინფორმაციით, ბავშვის ბიოლოგიური მამა საქართველოში ცხოვრობს, თუმცა სამინისტროში აცხადებენ, რომ გარდაცვლილის დაბადების მოწმობაში მამის გრაფა ცარიელია და უწყებისთვის დაკრძალვის მოთხოვნით არავის მიუმართავს.
კომენტარები