კახეთში ძლიერი წვიმის შედეგად მდინარეები და ხევები ადიდდა. სტიქიამ სიღნაღის მუნიციპალიტეტში რამდენიმე სოფელი დააზარალა. ამის შესახებ 1tv წერს.
როგორც სიღნაღის მუნიციპალიტეტის მერმა, გოგი გოგილაშვილმა განაცხადა, ძლიერი ნიაღვრისგან დაზიანებულია შიდა საუბნო გზები.
„ანაგასა და ვაქირში ახლა ვაგზავნით ტექნიკას, გზები წყალმა ქვა-ღორღით გაავსო, რამდენიმე მოსახლეს წყალი სახლშიც შეუვარდა“,- განაცხადა გოგილაშვილმა.
სტიქიის შედეგად საცხოვრებელი სახლები დაიტბორა ლაგოდეხის მუნიციპალიტეტის სოფელ ჰერეთისკარშიც.
კომენტარები