ფშაველი-აბანო-ომალოს გზის 28-ე კილომეტრთან, რომელიც უღელტეხილამდე მდებარეობს, ჩამოშლილი მიწის მასის გამო ტურისტები არიან ჩარჩენილი და გადაადგილებას ვერ ახერხებენ. ტერიტორიაზე ინტენსიურ რეჟიმში მიმდინარეობს გაწმენდითი სამუშაოები იმისთვის, რომ ავტომობილებმა გადაადგილება ჩვეულ რეჟიმში განაგრძონ.
მათივე ინფორმაციით, რამდენიმე ტურისტი ფშაველი-აბანო-ომალოს გზის 28-ე კილომეტრთან მანქანებით არიან ჩარჩენილები.
„ფაშაველი-აბანო-ომალოს 28-ე კილომეტრთან მიწის საკმაოდ მოზრდილი ჩამონაშალია. ტურისტები ამ ჩამონაშალი მასის მიმდებარედ არიან გაჩერებული. რამდენი ტურისტია, ამაზე ინფორმაცია არ მაქვს, თუმცა შექმნილი ვითარების გამო გადაადგილებას ვერ ახერხებენ. მოსახვევებშიც არის მცირეოდენი ჩამონაშალი. ტურისტები მანქანებით არიან ჩარჩენილი, ისინი სატელეფონო ხაზზე არიან იმ ადამიანებთან, ვინც გაწმენდით სამუშაოებს აწარმოებს. მიმდინარეობს გზის ინტენსიური გაწმენდითი სამუშაოები. გზა რამდენიმე საათში გაიწმინდება, თუ მეტეოროლოგიური პირობები არ შეგვიშლის ხელს“, – აცხადებენ საავტომობილო გზების დეპარტამენტის პრესსამსახურში.