სტიქიით დაზარალებულ სამეგრელოს მუნიციპალიტეტებში აღდგენითი სამუშაოები დილიდან დაიწყო, მძიმე ტექნიკით იწმინდება სანიაღვრე არხები და ტარდება პრევენციული ღონისძიებები.
რეგიონული განვითარებისა და ინფრასტრუქტურის სამინისტროს ცნობით, სამეგრელო-ზემო სვანეთის რეგიონში, ამ ეტაპზე, სტიქიის განმეორების საფრთხე მოხსნილია და საცხოვრებელი სახლების დატბორვის შესახებ დღეს არც ერთი შეტყობინება არ შესულა.
უწყების ინფორმაციით, რეგიონში იმყოფებიან ინფრასტრუქტურის მინისტრის მოადგილეები ილია ბეგიაშვილი და გიგა კაცია, ასევე მარტვილისა და აბაშის მაჟორიტარი ოთარ დანელია, გუბერნიისა და ადგილობრივი თვითმმართველობების პირველი პირები.
ამასთან, რეგიონული განვითარებისა და ინსფრასტრუქტურის სამინისტროს ინფორმაციით, გვიან ღამით ბაშის მუნიციპალიტეტის სოფელ წყემიდან ათამდე ოჯახის ევაკუაცია მოხდა.
„მოქალაქეების უსაფრთხო ადგილზე გადმოსაყვანად საგანგებო სიტუაციების მართვის სამსახურის და საპატრულო პოლიციის თანამშრომლებმა, ხოლო დაბინავებაზე ადგილობრივმა ხელისუფლებამ იზრუნა.
გუშინ ადიდებულმა მდინარე აბაშამ ჯებირები გაარღვია და მოსახლეობის საკარმიდამო ნაკვეთები და საცხოვრებელი სახლების პირველი სართულები დატბორა.ძლიერმა წვიმამ პრობლემები აბაშასთან ერთად, მარტვილის, სენაკის, ხობის, ჩხოროწყუს და ზუგდიდის მუნიციპალიტეტებს შეუქმნა. მიყენებული ზარალის ოდენობას სპეციალური კომისია ითვლის“, – ნათქვამია ინფორმაციაში.
