„თავისუფალი დემოკრატების“ ერთ-ერთი ლიდერი ვიქტორ დოლიძე, საპარლამენტო არჩევნების შემდეგ, „ქართულ ოცნებასთან“ კოალიციის შექმნას არ გამორიცხავს. ამის შესახებ დოლიძემ „კვირას“ პრესკლუბში გამართულ პრესკონფერენციაზე განაცხადა.
მისი თქმით, „თავისუფალი დემოკრატების“ სამომავლო გეგმებზე საუბარი ჯერ ნაადრევია, თუმცა თანამშრომლობა სამომავლოდ შესაძლებელია რამდენიმე პოლიტიკურ პარტიასთან და მათ შორის, „ქართულ ოცნებასთან“.
„გამონაკლისს წარმოადგენს, მხოლოდ „ნაციონალური მოძრაობა, რომელთანაც არაფერი გვაკავშირებს,“ – აღნიშნა ვიქტორ დოლიძემ.
მისივე თქმით, „თავისუფალი დემოკრატები“ მიესალმება, თუკი „რესპუბლიკური პარტია“ საპარლამენტო არჩევნებში 5 %-იანი ბარიერის გადალახვას მოახერხებს, თუმცა, შიდა კვლევების შედეგებისა და ანალიზის მიხედვით, ამის შანსი პარტიას არ აქვს.