გულწრფელად მჯეროდა, რომ ევროპული სტანდარტი გაგრძელდებოდა ბოლომდე და ჩვენ ვიქნებოდით არჩევნებამდე, – განაცხადა ჟურნალისტებთან საუბრისას შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა.
ზაქარეიშვილის თქმით, ის არ ემზადებოდა არჩევნებისთვის და ბოლომდე იმედი ჰქონდა, რომ ევროპული სტანდარტი გაგრძელდებოდა და „რესპუბლიკელი“ მინისტრები პოსტებზე არჩევნებამდე დარჩებოდნენ.
„გუშინ მქონდა ძალიან კორექტული საუბარი პრემიერთან. მე ძალიან დიდი პატივს ვცემ მას, ჩვენი ურთიერთობა მაქსიმალურად მეგობრული და ურთიერთპატივისცემის რეჟიმში იყო, მაგრამ მკაფიოდ გამოჩნდა პოზიცია, რომ წინასაარჩევნო კამპანიის დროს „ოცნებას“ ურჩევნია, რომ მინისტრები იყვნენ მკაფიოდ გამოკვეთილი თავიანთ პარტიულობაში“, – განაცხადა ზაქარეიშვილმა.
რაც შეეხება იმას, ის იქნება საარჩევნო სიაში თუ მაჟორიტარი დეპუტატობის კანდიდატი, ზაქარეიშვილი აცხადებს, რომ არ საკითხზე უნდა ჯერ იფიქროს.
„საერთოდ ვერ წარმომიდგენია ჩემი თავი პარლამენტის წევრად. მე ვარ მკაფიოდ გამოკვეთილი აღმასრულებელი ფიგურა, მიყვარს გადაწყვეტილების მიღება და ამ გადაწყვეტილებების რეალიზაცია“, – დასძინა პაატა ზაქარეიშვილმა.