დიდი მადლობა მინდა გადავუხადო თითოეულ გულშემატკივარს, რომელიც გუშინ სტადიონზე იმყოფებოდა, რომლებმაც ერთიანი გულშემატკივრობით, ერთიანი დიდი პასუხისმგებლობით, უდიდესი წვლილი შეიტანეს ჩვენი გუნდის გამარჯვებაში, – ამის შესახებ საქართველო-ლატვიის გუშინდელ მატჩთან დაკავშირებით საქართველოს ფეხბურთის ფედერაციის პრეზიდენტი ლევან კობიაშვილი ვიდეომიმართვაში აცხადებს. კობიაშვილი ასევე მადლობას უხდის შსს-ს უსაფრთხოების უზრუნველყოფისთვის.
„მინდა მადლობა გადავუხადო თითოეულ მოთამაშეს, გუნდს, სამწვრთნელო შტაბს, რომლებმაც ყველაფერი გააკეთეს, რათა გუშინ ყველას ერთად გვეზეიმა ეს ბრწყინვალე გამარჯვება. დიდი მადლობა მინდა გადავუხადო თითოეულ გულშემატკივარს, რომელიც გუშინ სტადიონზე იმყოფებოდა, რომლებმაც ერთიანი გულშემატკივრობით, ერთიანი დიდი პასუხისმგებლობით, უდიდესი წვლილი შეიტანეს ჩვენი გუნდის გამარჯვებაში. რომ არა მათი ერთიანობა, ძნელი იქნებოდა ჩვენს გუნდს მიეღწია წარმატებისთვის. განსაკუთრებული მადლობა მინდა გადავუხადო შსს-ს თითოეულ თანამშრომელს, რომლებიც ჩართულები იყვნენ, რომ ჩვენი გულშემატკივრების უსაფრთხოება ყოფილიყო დაცული, სტადიონზე ყოფილიყო მშვიდი გარემო“, – აცხადებს კობიაშვილი.