საგანგებო სიტუაციების მართვის სამსახური რადიოკავშირის სისტემის განვითარებას იწყებს. აღნიშნულთან დაკავშირებით უწყება ინფორმაციას ავრცელებს.
„ციფრული რადიოკავშირის სისტემაში ინტეგრაცია ხელს შეუწყობს: კრიზისულ სიტუაციებში უწყვეტი კავშირის უზრყნველყოფას, ტექსტისა და GPS კოორდინატების გადაცემას; პროექტის ფარგლებში შეძენილი 6 რადიო სადგურის მეშვეობით, გაფართოვდება არსებული ციფრული სისტემის, როგორც დაფარვის არეალი, ასევე გაიზრდება სისტემაში ხელის რადიოსადგურების ჩართვის შესაძლებლობა.
MOTOROLA-სთან კონტრაქტის ფარგლებში საგანგებო სიტუაციების მართვის სამსახური შეიძენს: 6 ერთეულ საბაზო სადგურს ყველა საჭირო საანტენო და საკაბელო აქსესუარით; 130 სტაციონარულ რადიოსადგურს; 20 სამანქანო რადიოსადგურს; 830 ხელის რადიოსადგურს; 255 სამხრე მიკროფონს; 2 სადისპეტჩერო კონსოლს; GSM ქსელთან ინტეგრაციის სისტემას; 10 ერთეულ LTE რადიოსადგურს.
MOTOROLA – სთან კონტრაქტის ფარგლებში ასევე მოხდება სისტემის უზრუნველყოფა ორი წლის ვადით და პერსონალის გადამზადება“, – აცხადებენ სამსახურში.