თურქეთში დაღუპულთა რაოდენობამ 60-ს მიაღწია, – ამის შესახებ „ბიბისის“ ცნობით, ქვეყნის პრეზიდენტის ადმინისტრაცია იტყობინება.
გავრცელებული ცნობით, მათი უმრავლესობა სამოქალაქო პირები არიან. ოფიციალური ინფორმაციით, მთელი ღამის განმავლობაში 336 ადამიანი დააკავეს. როგორც პრემიერ-მინისტრი ბინალი ილდირიმი აცხადებს, ამ დროისთვის ვითარება მეტწილად კონტროლს ექვემდებარება.
მან ასევე ბრძანება გასცა ჩამოაგდონ სამხედრო ლაინერი, რომელსაც აჯანყებულები იყენებენ. ამ დრომდე უცნობია გენერალური შტაბის ხელმძღვანელის ადგილსამყოფელი. ვრცელდება ინფორმაცია, რომ იგი ამბოხებულმა სამხედროებმა მძევლად აიყვანეს.
ჯერ უცნობია ვინ ხელმძღვანელობს აჯანყებულ სამხედროებს და რამდენად დიდი მხარდაჭერა აქვს გადატრიალების მცდელობის ორგანიზატორს.
კომენტარები