“ჟენევაში საარჩევნო უბანი საერთოდ არ არის და შესაბამისად, ის დახურული ვერავის ვერ დახვდებოდა”

ჟენევაში საარჩევნო უბანი საერთოდ არ არის და შესაბამისად, ის დახურული ვერავის ვერ დახვდებოდა, – ამის შესახებ “ქართული ოცნების“ ოფისში გამართულ პრესკონფერენციაზე თამარ ჩუგოშვილმა განაცხადა.

როგორც ჩუგოშვილმა განმარტა, ”რუსთავი2”-ის მიერ გავრცელებული ინფორმაცია იმასთან დაკავშირებით, რომ ჟენევაში მისულ ამომრჩეველს უბანი დახურული დახვდა, მცდარია, რადგან შვეიცარიაში ერთადერთი უბანი არის ბერნში და არა – ჟენევაში.

“მოვუწოდებთ მედიას, მოგიწოდებთ თქვენ, მოსახლეობის შეცდომაში შემყვანი ინფორმაცია განზრახ და განგებ არ იქნას გავრცელებული, რადგან ძალიან მარტივად გადამოწმებადია არასწორი ინფორმაცია, რომელსაც შეცდომაში შეჰყავს ამომრჩეველი“, – აღნიშნა თამარ ჩუგოშვილმა.