საფრანგეთის ქალაქ ნიცაში მომხდარ ტერაქტზე პასუხისმგებლობა ექსტრემისტულმა დაჯგუფება „ისლამურმა სახელმწიფომ“ აიღო. ამის შესახებ “ფრანს პრესი” დაჯგუფებასთან დაკავშირებულ სააგენტო Amaq-ზე დაყრდნობით იტყობინება.
სატვირთო მანქანის მძღოლი, რომელიც საფრანგეთის ეროვნული დღესასწაულის – ბასტილიის აღების დღესთან დაკავშირებით გამართულ საზეიმო ფოიერვერკის დასრულებისთანავე ხალხში შევარდა, ექსტრემისტული დაჯგუფების მებრძოლი იყო.
ნიცაში მშვიდობიან მოსახლეობაზე თავდასხმა 14 ივლისს საღამოს მოხდა. შემთხვევას 84 ადამიანის სიცოცხლე ემსხვერპლა, მათ შორის 10 ბავშვის.
თავდასხმის შემდეგ საფრანგეთში სამდღიანი გლოვა გამოცხადაა.
კომენტარები