სამწუხაროდ, ექსპრეზიდენტი იმდენად არაადეკვატურია თავის გამონათქვამებში, რომ ნამდვილად რთულია სიტყვები იპოვო მისი ამ კომენტარის შესაფასებლად,– ამის შესახებ საქართველოს პრემიერ-მინისტრმა, მამუკა ბახტაძემ მიხეილ სააკაშვილის მიერ ტურისტების შესახებ გაკეთებულ განცხადებაზე კომენტარისას განაცხადა.
„სამწუხაროდ, მიხეილ სააკაშვილის მსგავსი გამონათქვამები პირველი შემთხვევა არ არის და როგორც ჩანს, არც უკანასკნელი“,– განაცხადა მამუკა ბახტაძემ.
შეგახსენებთ, საქართველოს ყოფილმა პრეზიდენტმა, მიხეილ სააკაშვილმა „ფეისბუქზე“ გავრცელებული ვიდეომიმართვისას განაცხადა, რომ „არ გვჭირდება გაძვალტყავებული ტურისტები, ჯღანები, რომლებიც ჩამოდიან ჩვენს ქვეყანაში, გვჭირდება მდიდარი შეიხები“.
კომენტარები