პატრიარქის ფონდის ხელმძღვანელი ლაშა ჟვანია რუსთაველის თეატრთან მიმდინარე აქციაზე იმყოფება, სადაც 20017 წლის 7 ნოემბერს აპროტესტებენ. ჟვანიას განცხადებით, საქართველო დღეს ისევ არჩევანის წინაშე დგას.
„ყველაზე მთავარი არის, რომ დღეს ჩვენ ვდგავართ ისევ არჩევანის წინაშე. 2012 წელს ჩვენ უარი ვუთხარით წინა რეჟიმს, რომელშიც მე ვმუშაობდი. ქალბატონ სალომე ზურაბიშვილს ვყავარ თავის დროზე მიყვანილი მის მოადგილედ. შემდგომ ვიყავი ელჩი და ეკონომიკის მინისტრი. უარს ვამბობ ამ რეჟიმის უკან დაბრუნებაზე, უარს ვამბობ მატყუარა ადამიანებზე, რომლებიც უკვე იმასაც კადრულობენ, რომ პატრიარქს ატყუებენ, პატრიარქთან შეხვედრის მერე გამოდიან და ისევ ტყუილებს ამბობენ. უარს ვამბობთ ყველანაირ ტყუილზე და რა თქმა უნდა, უარს ვამბობთ რუსეთის ფარგლებში დაბრუნებაზე. ის კანდიდატი ჩვენ ამას გვპირდება. ის კანდიდატი გვპირდება ამნისტიას ყველა დამნაშავისას. ჩვენ ეს არ გვინდა. ჩვენ გვინდა დემოკრატიული და სტაბილური განვითარება ქვეყნის. ეს არის თავისუფალი საზოგადოების მოთხოვნა“, – განაცხადა ლაშა ჟვანიამ.