„ევროპული საქართველოს“ მიერ „ნაციონალური მოძრაობიდან“ თითქოსდა წამოსვლა ფიქცია იყო, – ამის შესახებ ჟურნალისტებს უმრავლესობის დეპუტატმა, გიორგი კახიანმა განუცხადა.
„ფაქტია, რომ „ევროპული საქართველოს“ მხრიდან თავის დროზე, „ნაციონალური მოძრაობიდან“ თითქოსდა წამოსვლა ფიქცია იყო. სინამდვილეში, ეს არის ერთი გუნდი. თუ ისინი ვერ ხვდებიან თავიანთი ქმედებით რა ზიანი მიაყენეს „ევროპულ საქართველოს“, ეს არის პოლიტიკური სიბრიყვე. დღეს „ევროპული საქართველო“ მტვერსასრუტივით შეისრუტა „ნაციონალურმა მოძრაობამ“. ამას უნდა ათვითცნობიერებდნენ და დარწმუნებული ვარ, ათვითცნობიერებენ კიდეც, მაგრამ იქიდან გამომდინარე, რომ რეალურად არსად წასულან, ყოველთვის იქ იყვნენ და ეს არის ერთი პოლიტიკური ძალა, როგორც ჩანს, ამ შედეგსაც შეგუებული არიან“, – განაცხადა გიორგი კახიანმა.