თბილისის რამდენიმე უბანს ხვალ ელექტრომომარაგება დროებით შეეზღუდება. აღნიშნულის მიზეზი გეგმური სამუშაოების ჩატარებაა.
ისნის რაიონში 10:00 საათიდან 18:00 საათამდე შეზღუდვა შეეხება: ვაზისუბნის II მიკრორაიონის, ნავთლუღის დასახლების, მესხეთის, ხარაბაძის, კობცოვის, გომარეთის, ტატიშვილის და ბუკისციხის ქუჩების მცხოვრებლებს.
საბურთალოს რაიონში 10:00 საათიდან 17:00 საათამდე შეზღუდვა შეეხება: ნუცუბიძის პლატოს III მიკრორაიონის I, II, III კვარტლების, ძოწენიძის, ამაშუკელის, ნუცუბიძის, ინტენსიფიკაციის, ჟღენტის, გამრეკელის, პიკასოს და პოლიტკოვსკაიას ქუჩების მცხოვრებლებს. 11:00 საათიდან 13:00 საათამდე შეზღუდვა შეეხება: გმირთა მოედნის, პეკინის გამზირის, ბენდელიანის და კოსტავას ქუჩების მცხოვრებლებს.
გლდანის რაიონში 10:00 საათიდან 18:00 საათამდე შეზღუდვა შეეხება: გლდანის ხევის დასახლების, ბარალეთის, ლიბანის, სარაჯიშვილის, ანდრონიკაშილის, ულიანოვის, გურამიშვილის და ავჭალის ქუჩების მცხოვრებლებს.
ჩუღურეთის რაიონში 10:00 საათიდან 18:00 საათამდე შეზღუდვა შეეხება: აღმაშენებლის გამზირის, უზნაძის, ტეტელაშვილის და ჩხეიძის ქუჩების მცხოვრებლებს.
ნაძალადევის რაიონში 10:00 საათიდან 17:00 საათამდე შეზღუდვა შეეხება: თემქის დასახლების XI მიკრორაიონის I კვარტლის და ჩარგლის ქუჩის მცხოვრებლებს.
კრწანისის რაიონში 10:00 საათიდან 18:00 საათამდე შეზღუდვა შეეხება: პურის მოედნის, ტყავის, კოტე აფხაზის, თუმანიანის, ლესელიძის, ხანძთელის, ღვინის, საიათნოვას, თონეთის, იერუსალიმის, აბოვიანის და ბერიძის ქუჩების მცხოვრებლებს.
დიდუბის რაიონში 10:00 საათიდან 12:00 საათამდე შეზღუდვა შეეხება: ლუბლიანას და ახმეტელის ქუჩების მცხოვრებლებს.
”კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება”, – ნათქვამია ინფორმაციაში.