გიორგი მარგველაშვილი, ამბობს, რომ კორცხელის ინციდენტის გამოუძიებლობა ქვეყნისთვის საზიანო იქნება. მეტიც, მას მიაჩნია, რომ კორცხელის ინციდენტი არა მხოლოდ ერთი პოლიტიკური ძალის ან პირების მიმართ იყო მიმართული, არამედ ქვეყნის და მისი დემოკრატიულად განვითარების წინააღმდეგ.
ამის შესახებ მან გადაცემა არჩევანში ისაუბრა.
“პირველად მაშინ, როცა მოხდა ეს ინციდენტი, ვთქვი, რომ ეს უბრალოდ კრიმინალი არ არის. როცა საარჩევნო დღეს ასეთი მასიური ძალადობაა, ეს არ არის კონკრეტული კრიმინალი. კონკრეტული კრიმინალი არის, როცა მე თქვენ რაღაცა ზიანს მოგაყენებთ. არჩევნები ეკუთვნის სახელმწიფოს და საზოგადოებას. როცა არჩევნების დღეს გგონია, რომ მუშტიკრივი რაღაც ზეგალვენას იქონიებს, ეს არის სახელმწიფო დანაშაული. პოლიტიკოსი იქ მესამე რიგის დაზარალებულია, იქ პირველ რიგში ჩვენ სახელმწიფოს, ჩვენ დემოკრატიულობას შეეხნენ.
“ძალიან სწორი განცხადებები გაკეთდა, მაგრამ ამის მერე ჩვენ ვნახეთ ეფექტური გამოძიება? მომავალი არჩევნების ასეთი დარეკლამებისთვის ვინმემ საკადრისი პასუხი მიიღო? სახელმწიფოს წინააღმდეგ გადადგმული ნაბიჯი იქნა ასე რაღაცნაირად დატოვებული.