ამ ოთხი წლის განმავლობაში ჩვენ შევძელით ყველაზე მთავარი, თავისუფლება მივეცით თითოეულ ადამიანს საქართველოში, – ამის შესახებ საქართველოს პრემიერ-მინისტრმა გიორი კვირიკაშვილმა ხარაგაულში „ქართული ოცნების“ მაჟორიტარი დეპუტატობის კანდიდატის წარდგენის დროს განაცხადა.
“მაქსიმალურად მოვეფერეთ რაც კი შევძლეით ადამიანებს. განსაკუთრებით სოფლად მაცხოვრებლებს, იმ პროგრამებით, რომელიც ჩვენ დავიწყეთ. ჯანდაცვისა და სოფლის პროგრამებით. ყველა ჩვენგანმა საკუთარ გუნდში ჩავიხედოთ და მართალაც არის მნიშვნელოვანი ეს, რომ ადამიანს არ უწევს სხვადასხვა სახით სესხის აღება რათა საკუთარი სიცოცხლე გადაარჩინოს. ეს ძალიან ბევრს ნიშნავს, მაგრამ ეს არის შორს იმისგან, რაც ჩვენ გვინდა. ახლა ჩვენ გვაქვს ახალი გეგმები. ძალიან სწრაფი განვითარების გეგმები, რათა ეს თავისუფლება, რომელიც ჩვენ მოვიპოვეთ ერთად, ერთობლივი ბრძოლით, გარდავქმნათ თითოეული ოჯახის კეთილდღეობად. ამის მიღწევისათვის ჩვენ გვაქვს ძალიან მკაფიო გეგმა.ეს ეხება განათლების სისტემის რეფორმას ძირეულ რეფორმას, რათა ახალგაზრდები სწავლობდნენ იმ პროფესიას, რომელიც ყველაზე მნიშვნელოვანია, რათა დამთავრებისთანავე მა ჰქონდეთ სამუშაო ადგილი“, – განაცხადა გიორგი კვირიკაშვილმა.
მისივე თქმით, საქართველოს მთავრობას აქვს მკაფიო გეგმა, რომ 2020 წლის ბოლომდე დასრულდეს ყველა სატრანზიტო მაგისტრალი და ძირითადი გზები, რომელიც რაიონულ ცენტრებს, თუ ტურისტულად მიმზიდველ ადგილებს დააკშვირებს.
„ეს არის ასევე მმართველობითი რეფორმა, რომელიც მთავრობას, გახდის უკვე მომსახურებაზე ორიენტირებულს, რომ მთავრობა აღარ იყოს ბიუროკრატია, არამედ ეს იყოს, როგორც მომსახურების მიმწოდებელი მოქალაქეებზე, თუ კომპანიებზე, თუ ბიზნესმენებზე. ეს არის ასევე ძალიან მნიშვნელოვანი ეკონომიკური რეფორმები, რომელიც დავიწყეთ ჩვენ. პარლამენტმა უკვე მიიღო საწყისი პაკეტი კანონდებლობის და ჩვენ გავაგრძელებთ ყველაფერ ამას, რათა თითოეულ ოჯახში მივიდეს სიკეთე, თითოეულ ოჯახში მივიდეს სიმშვიდე და თითოეულ ოჯახს ჰქონდეს შესაძლებლობა იმისი, რომ არ იფიქროს ელემენტარულ რაღაცეებზე, როგორც სამწუხაროდ არის დღეს. ჩვენ გვინდა სახლში მისულ ქართველ კაცს დახვდეს ოჯახი, დახვდეს შვილი, რომელიც ეტყვის, რომ დედამ უყიდა ახალი ჩანთა, სამზარეულოდან გამოდიოდეს სასიამოვნო სურნელი სადილის, იყოს სიმშვიდე, ადამიანებმა აღარ იცხოვრონ და ისუნთქონ პოლიტიკით. აღარ უყურებდნენ იმას როგორ ჭამენ პოლიტიკოსები ერთმანეთს ყოველ საღამოს და იყოს ის, რომ ადამიანებმა იცხოვრონ მომავლით, იცხოვრონ ხვალინდელი დღით, გაიხარონ ცხოვრებით და არ იყვნენ მთლიანად დაკავებული იმითი, თუ ვინ აჯობებს მოწინააღმდეგე პოლიტიკურ დებატებში და რომელი უფრო მეტ შეურაცხყოფას მიაყენებს მოწინააღმდეგეს“, – განაცხადა გიორგი კვირიკაშვილმა.
მისივე თქმით, საქართველოს მთავრობის მთავარი მიზანია, რომ დამშვიდდეს ქვეყანა.
“ეს არის ჩვენი მთავარი მიზანი, რომ დამშვიდდეს ქვეყანა, ჩვენ შევძელით, რომ ბოლო პერიოდში დაგვემშვიდებინა, აღარ არის ის პოლიტიკური ტემპერატურა, რომელიც ადრე იყო. ახლა ჩვენი მიზანია, რომ სწრაფი გან ვიტარება უზრუნველვყოთ და ამისთვის გვაქვს ჩამოყალიბებული პროგრამა.