შინაგან საქმეთა სამინისტრომ მედიასაშუალებებში გავრცელებული ვიდეოკადრების საფუძველზე გამოძიება დაიწყო.
როგორც უწყებაში აცხადებენ, კადრებში ასახულია, კახეთში, 16 დეკემბერს, როგორ ასხურებს საპროტესტო კოლონის ერთ-ერთ მანქანაში უცნობი პირი დაუდგენელ ნივთიერებას.
„გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს. ჩატარდება ვიდეომასალაში დაფიქსირებული პირის დადგენისთვის საჭირო საგამოძიებო-ოპერატიული ღონისძიებები. საგამოძიებო ორგანოში გამოკითხვაზე დაბარებული იქნებიან დაზარალებულები და სავარაუდო დანაშაულის ჩამდენი პირი“,– აღნიშნულია შსს-ს ინფორმაციაში.
კომენტარები