ეკა ბესელიას განცხადებით, უშიშროების ყოფილი მინისტრის იგორ გიორგაძის საქართველოში ჩასვლის შემთხვევაში, ის ღონისძიებები გატარდება, რაც კანონით არის გათვალისწინებული.
“ინფო 9“-სთან საუბრისას ბესელია „ინტერპოლის“ მიერ იგორ გიორგაძისთვის ძებნის შეწყვეტას გამოეხმაურა და აღნიშნა, რომ ქართველ სამართალდამცავებს „ინტერპოლის“ გადაწყვეტილებასთან შეხება არ აქვთ და ორგანიზაცია გადაწყვეტილებას თავისი ახალი სტანდარტით იღებს.
მისი თქმით, ძებნილთა სიიდან თავდაცვის ყოფილი მინისტრის დავით კეზერაშვილის ამოღება მოხდა, რაც ქართული მხარის უკმაყოფილების მიზეზი გახდა.
„1995 წლიდან გიორგაძის მიმართ სისხლის სამართლის დევნაა დაწყებული და ეს პროცესი საქართველოში შეწყვეტილი არ არის. „ინტერპოლის“ სიიდან ამოღება საქართველოში სისხლის სამართლის დევნის სიიდან ავტომატურ ამოღებას არ ნიშნავს. საქმე, რომელიც გიორგაძის მიმართ იყო, ისევ არის დარჩენილი. ბუნებრივია, მის მიმართ ის ღონისძიებები გატარდება, რაც კანონით არის გათვალისწინებული“, – დასძინა ბესელიამ.