საქართველოს გენერალური პროკურორი შალვა თადუმაძე ხვალ კონსტანტინე და ცოტნე გამსახურდიებს და მათი ინტერესების დამცველ ადვოკატ ამირან გიგუაშვილს შეხვდება, – ამის შესახებ ინფორმაციას მთავარი პროკურატურის პრესსამსახური ავრცელებს.
საგამოძიებო უწყების ინფორმაციით, შეხვედრა საქართველოს გენერალურ პროკურატურაში 15:00 საათზე გაიმართება.
კონსტანტინე და ცოტნე გამსახურდიების ადვოკატმა შალვა თადუმაძესთან შეხვედრის თხოვნით გენერალურ პროკურატურაში განცხადება დღეს წარადგინა.
შეგახსენებთ, რომ ზვიად გამსახურდიას მკვლელობის საქმის გამოძიების შესაძლო შეწყვეტის გამო კონსტანტინე და ცოტნე გამსახურდიებმა მთავარი პროკურატურის მისაღებში შიმშილობა 13 დეკემბერს დაიწყეს.
31 დეკემბერს საქართველოს პირველი პრეზიდენტის გაურკვეველ ვითარებაში გარდაცვალების ფაქტზე 25-წლიანი ხანდაზმულობის ვადა იწურება. საქმის ხანდაზმულობის ვადის გაგრძელებაზე პარლამენტი დღეიდან დაჩქარებულად იმსჯელებს.
21 დეკემბერს სალომე ზურაბიშვილმა პარლამენტს მიმართა, გაეთვალისწინებინა თხოვნა, რომ ზვიად გამსახურდიას მკვლელობის გამოძიების ხანდაზმულობის ვადა გაგრძელებულიყო.
საქართველოს პირველი პრეზიდენტი ზვიად გამსახურდია 1993 წლის 31 დეკემბერს, გამთენიისას, სამეგრელოს სოფელ ხიბულაში გაურკვეველ ვითარებაში გარდაიცვალა
გენერალური პროკურორი კონსტანტინე და ცოტნე გამსახურდიებს მათ ადვოკატთან ერთად შეხვდება
საქართველოს გენერალური პროკურორი შალვა თადუმაძე ხვალ კონსტანტინე და ცოტნე გამსახურდიებს და მათი ინტერესების დამცველ ადვოკატ ამირან გიგუაშვილს შეხვდება, – ამის შესახებ „კვირას“ მთავარი პროკურატურის პრესსამსახურიდან აცნობეს.
საგამოძიებო უწყების ინფორმაციით, შეხვედრა საქართველოს გენერალურ პროკურატურაში 15:00 საათზე გაიმართება.
კონსტანტინე და ცოტნე გამსახურდიების ადვოკატმა შალვა თადუმაძესთან შეხვედრის თხოვნით გენერალურ პროკურატურაში განცხადება დღეს წარადგინა.