“თავისუფალი დემოკრატების” ლიდერი ირაკლი ალასანია მიუნხენის ტერორისტული აქტის მსხვერპლთა ოჯახებს უსამძიმრებს.
ირაკლი ალასანია ქვეყნებს მოუწოდებს, რომ ტერორიზმთან ბრძოლა გააასმაგონ.
”ვუსამძიმრებ მიუნხენში ტერორისტული აქტის მსხვერპლთა ოჯახებს. ეს გაუგონარი და გაუმართლებელი სისასტიკე საერთო საფრთხეა მსოფლიოსთვის. ვუთანაგრძნობ გერმანელ ხალხს და მოვუწოდებ ყველა ქვეყანას, გავაასმაგოთ ძალისხმევა ტერორიზმის წინააღმდეგ. ასეთ მოწინააღმდეგეს ნაცადი ძველი მეთოდებით ვერ დავამარცხებთ. საჭიროა ახალი საერთაშორისო ანტიტერორისტული სტრატეგიის ჩამოყალიბება. საქართველო თავის წვლილს შეიტანს ამ ურთულეს ბრძოლაში”, – ნათქვამია ირაკლი ალასანიას განცხადებაში.
კომენტარები