საქართველოს პარლამენტის ვიცე-სპიკერი საკონსტიტუციო სასამართლოს თავმჯდომარეს სასამართლოს დისკრედიტაციაში და პოლიტიკური განცხადებების კეთებაში ადანაშაულებს.
კობახიძე ამბობს, რომ პაპუაშვილმა, თუ მას გააჩნია კონკრეტული მტკიცებულებები, რომ ხდება მოსამართლეებზე ზეწოლა, უნდა მიაწოდოს მთავარ პროკურატურას.
ამის შესახებ მან კურიერის პირდაპირ ეთერში გააკეთა.
“პირველად სასამართლოს თავმჯდომარემ და მოსამართლემ უნდა იცოდეს, რომ თავად უნდა გადასცეს დაუყოვნებლივ მტკიცებულება, სამხილები სამართალდამცავებს და მთავარ პროკურატურას. 3 დღის წინ გაკეთდა განცხადება და ამ განცხადებიდან 2 საათში პროკურატურამ შესთავაზა მისთვის სასურველ დროსა და ადგილზე შეხვედრა და დაკითხვა.
“3 დღე რას ელოდება, თუ ასეთი რისკის ქვეშ არიან მოსამართლეები? რას ინახავს, რა ფაქტებს ასაიდუმლოებს. მან ყველაზე დიდმა კონსტიტუციონალისტმა უნდა იცოდეს, რომ, თუ დანაშაულს აქვს ადგილი, ეს მყისიერად უნდა მიაწოდოს გამოძიებას.
“არც პრემიერი და არც პრეზიდენტი არ არის უფლებამოსილი, გამოძიება დაიწყოს. მისი განცხადებები, რომ შეხვდება პრემიერს და პრეზიდენტს, არის პოლიტიკური და ეს სასამართლოს დისკრედიტაციაა. მან უნდა გადადგას სამართლებრივი ნაბიჯები და შესაბამის უწყებას მიაწოდოს ამომწურავი ინფორმაცია. მე მაქვს ეჭვი, რომ გარკვეული პოლიტიკური ელფერი აქვს ამ განცხადებას,” – აცხადებს კობახიძე.