თბილისის მასშტაბით დაავადებული ხე-მცენარეების მკურნალობა წელს ფიტოსანიტარიაშიარსებული უახლოესი მეთოდების გამოყენებითა და დარგის უცხოელი ექსპერტების რეკომენდაციებით მოხდება. ამის შესახებ ინფორმაციას თბილისის მერიის პრესსამსახური ავრცელებს,
მერის მოადგილე მაია ბითაძემ თბილისის მერიაში გამართული ვიდეოდიალოგისმიმდინარეობისას განმარტა, რომ მიმდინარე წელს მცენარეების შეწამვლის სამუშაოების შესასრულებლად ტენდერი უკვე დასრულებულია და გამარჯვებული დღე-დღეზე გამოვლინდება.
„ფიტოსანიტარიის მიმართულებით დედაქალაქში ბევრი პრობლემა დაგვხვდა. მიდგომები ფიტოსანიტარიაში მედიცინის მსგავსად ვითარდება. როგორც აღმოჩნდა, მცენარეების მკურნალობის კუთხით ადრე გამოყენებული მეთოდები მოძველებულია და ნაკლებ ეფექტს იძლევა. წელს კი, მცენარეების მკურნალობას ახალი მეთოდებით დავიწყებთ. გეგმიური შეწამვლის სამუშაოები გასულ წელსაც მიმდინარეობდა. მეორე გამოწვევა დაგვხვდა, ასევე, წიწვოვან მცენარეებთან, ე. წ. შავ ფიჭვებთან დაკავშირებით. სოკოვანი დაავადების გარდა მათ, დამატებით, აღმოაჩნდათ სხვა დაავადებაც, ე. წ. ტამიკუსი, რომელიც არ ექვემდებარება განკურნებას. ჩვენ ამ მიმართულებითაც წელს მასშტაბური ღონისძიებები გვაქვს დაგეგმილი”, -განაცხადა მაია ბითაძემ.
მისი თქმით, ფიტოსანიტარიის მიმართულებით დედაქალაქში დაგეგმილ ღონისძიებებში უცხოელი ექსპერტებიც მიიღებენ მონაწილეობას.