ჩემ მიმართ არ მიმდინარეობს სამართლებრივი დევნა, ჩემ მიმართ მიმდინარეობს პოლიტიკური დევნა, – ეს განცხადება ზვიად კუპრავამ გაერთიანებული ოპოზიციის შტაბში გამართულ ბრიფინგზე გააკეთა.
“მე მინდა მივმართო საქართველოში აკრედიტირებულ საელჩოებს, არასამთავრობო ორგანიზაციებს, საქართველოს პარლამენტს თხოვნით, გაეცნონ ჩემს სისხლის სამართლის საქმეებს, რომლებიც არის შეთითხნილი იმისთვის, რომ გამოიყენონ ჩემი დევნის ბერკეტად. მე ვარ დღეს დევნილი საკუთარ ქვეყანაში, მე ვარ საქართველოს მოქალაქე და არ მინდა თავშესაფარი ვეძებო გაერთიანებული ოპოზიციის შტაბში და სხვა და სხვა საელჩოში.
მე მინდა ასევე მივმართო საქართველოს ხელისუფლებას, დაუყოვნებლივ გაიწვიონ ორივე სისხლის სამართლის საქმე სასამართლოდან, წინააღმდეგ შემთხვევაში კი მიიღებენ ასანჟს საქართველოში. ჩემს მიმართ ცალსახად ვაფიქსირებ, არ მიმდინარეობს სამართლებრივი დევნა, ჩემს მიმართ მიმდინარეობს პოლიტიკური დევნა. ეს არის დევნა ჩემი საქმიანობის გამო და ჩემი პილიტიკური აზრის გამო,” – განაცხადა ზვიად კუპრავამ.