შინაგან საქმეთა სამინისტროს ხაშურის სამმართველოს თანამშრომლებმა ქურდობის ბრალდებით 35 წლამდე მამაკაცი დააკავეს.
სამინისტროს პრესსამსახურის ცნობით, გამოძიება საქართველოს სისხლის სამართლის კოდექსის 177-ე მუხლის მიხედვით მიმდინარეობს, რაც სხვისი ნივთის დაუფლებას საცავში შეღწევით გულისხმობს.
დაკავებულს ყველის ქურდობის გამო წინასწარი პატიმრობა მიუსაჯეს. გამოძიების ვერსიით იგი, სავარაუდოდ, ყველის ქურდობების დანარჩენი ფაქტების მონაწილეა. ქალაქ ხაშურში და რამდენიმე სოფელში რამდენიმე წელია ოჯახებიდან ყველს იპარავენ. დამნაშავე, სავარაუდოდ, მოპარულ პროდუქტს ყიდდა. ყველის ქურდმა სასულიერო პირის საცხოვრებელი სახლის სარდაფამდეც მიაღწია და ყველი მოიპარა.
წინასწარი გამოძიება დასრულდა, საქმე ამჟამად სასამართლოშია გადაცემული.
წყარო www.qartli.ge
კომენტარები