თბილისში მხუთავი აირით 4 არასრულწლოვანი მოიწამლა. შემთხვევა ვარკეთილში, ერთ-ერთ საცხოვრებელ ბინაში მოხდა, სადაც იორდანელების ოჯახი რამდენიმე კვირაა ქირით ცხოვრობს. ბავშვები ამ დროისთვის საავადმყოფოში არიან გადაყვანილები და ექიმების თქმით, მათ სიცოცხლეს საფრთხე აღარ ემუქრება.
ექიმების ინფორმაციით, როგორც თავად დაზარალებული მათთან საუბრობენ, ბუნებრივმა აირმა მაშინ გაჟონა, როდესაც სახლში წყლის გამათბობელი იყო ჩართული. შემთხვევის დროს, ოთხივე არასრუწლოვანი ერთ ოთახში იმყოფებოდნენ. მოზარდებს თავბრუს ხვევა და ინტოქსიკაციის ნიშნები აღენიშნებოდათ.
ბინის მეპატრონის, ჰაიდა ალშაფეის თქმით, სახლში გაყვანილობის მხრივ ყველაფერი წესრიგში იყო. ადგილზე, ამ დროისთვის, ექსპერტ-კრიმინალისტები მუშაობენ.
„იორდანელები იყვნენ და აქ დაქირავებული ჰქონდათ. ერთი ორი თვე იქნება. ზუსტად არ ვიცი, პატარა ბავშვები იყვნენ მარტო სახლში, დედამისს და მამამისს დაუტოვებიათ, წასულან სადღაც და პატარა ბავშვები იყვნენ და ეტყობა პატარა ბავშვს გაზი ჰქონდა ჩართული და მე მგონი, მოიწამლნენ. ყველაფერი წესიერად არის“ – განაცხადა ბინის მეპატრონემ.