მირიან ყარაულაშვილი ქიბარ ხალვაშის მიერ, რუსთავი 2-ის გაყიდვის შესახებ გავრცელებულ ინფორმაციას ეხმიანება და ფეისბუქის საკუთარ გვერზე პოსტს აქვეყნებ:
“ვეხმაურები ბატონი ქიბარ ხალვაშის განცხადებას და გამოვთქვამ სურვილს სამაუწყებლო კომპანია “რუსთავი-2” -ს შეძენისთვის.
კომპანიის არსებული მდგომარეობის გათვალისწინებით და მისი მომავალი პერსპექტივის ხათრით გადავიხდი მის საყიდლად ზუსტად 1000 ( ერთი ათას) ლარს, ოთხ ტრანშად, თვითოეულს 250 ლარის ოდენობით კვარტალში ერთხელ, ერთი წლის განვადებით.
ვიწყებ საგარანტიო ანგარიშზე დასადები 1 000 000 ( ერთი მილიონი) აშშ დოლარის შეგროვებას და მოგმართავთ ყველას, ვისაც შეგიძლიათ დამეხმაროთ მის სწრაფად შეგროვებაში ( ის საყიდელი ათასი ლარი მაქვს-არ გინდათ, ნუ შეწუხდებით!).
კომპანიის ყიდვის შემთხვევაში უმაღლეს მმართველ მენეჯმენტს შეცვლის საფრთხე არ დაემუქრება .
მათგან განსხვავებით, სერიოზული რეფორმა გატარდება ტელეკომპანიის სარედაქციო პოლიტიკაში და იგი დაექვემდებარება ქვეყანაში არსებულ და საერთაშორისო კანონმდებლობას და საერთაშორისო ქარტიებსა და კონვენციებს სიტყვის, გამოხატვის თავისუფლებისა და ადამიანის ფუნდამენტური უფლებების დაცვის გარანტირებულად უზრუნველყოფის მიზნით.
პატივისცემით, მ. ყარაულაშვილი”-წერს ყარაულაშვილი.
http://www.tabula.ge/ge/story/153947-qibar-xalvashi-rustavi-2-s-kidis?fbclid=IwAR2DS-kWVekwPqDW7wC9wm5C23udmPd8L6fFRfgTlph5MNk4r-ptReap6xs