„მამუკა ხაზარაძე შეცდომას შეცდომაზე უშვებს“,- ამის შესახებ ჟურნალისტი, ბიზნესისა და ტექნელოგიების უნივერსიტეტის ასოცირებული პროფესორი ნიკოლოზ მჭედლიშვილი სოციალურ ქსელში წერს.
ნიკოლოზ მჭედლიშვილი მამუკა ხაზარაძეს რამდენიმე კითხვით მიმართავს:
„1. თუ ვიღაცამ იძულებით დაათმობინა “თიბისის” პრობლემური სესხების პაკეტი პრეზიდენტის არჩევნების მეორე ტურის წინ, მაშინ თქვას, რა იყო ეს იძულება? ანუ, იყო თუ არა რამე სახის მუქარა?
2. თუ იყო მუქარა, ეს ნიშნავს, რომ ამ ვიღაცამ ჩაიდინა დანაშაული და ამ დანაშაულს ხაზარაძე ფარავდა. რატომ არ წავიდა პროკურატურაში? ბანკის აქტივების იძულებით დათმობა, ქონების წართმევის ტოლფასია. ქიბარ ხალვაშმა სწორედ ესე მოიგო სასამართლო, სადაც ამტკიცებდა, რომ მას კი გადაუხადეს რაღაც ფული, მაგრამ იძულებით დაათმობინეს ქონება.
იგივე კითხვაა ბესელიასთან დეპუტატების ფარული კადრებით შანტაჟთან დაკავშირებით.
3. ამ განცხადებების ფონზე, ვინ მისცემს მის პარტიას ხმას იმ ხალხიდან ვისაც სესხი ჩამოეწერა?
4. ბიძინაზე ამბობს, რომ პანამაში დარეგისტრირებული კომპანიიდან შემოაქვს ფულიო. მერე რა, საქართველოში ბევრი ესეთი ბიზნესია, შემიძლია უამრავი ჩამოვთვალო. თვითონ რატომ გვთავაზობს ბერმუდაზე დაგერისტრირებულ ყაზახურ-რუსულ კომპანიას ანაკლიის კონსორციუმში? მოკლეთ, კომუნიკაციის ელემენტარული სტრატეგია პარტიაშიც და კონსორციუმშიც იოხტურ”,- წერს ნიკოლოზ მჭედლიშვილი.