BBC-ის ინფორმაციით, მექსიკის ჩრდილოეთით, აშშ-ის მოქალაქეებზე თავდასხმას სულ ცოტა 5 ადამიანი ემსხვერპლა.
გამოცემის ინფორმაციით, დაღუპულები ლებარონების ოჯახის წევრები არიან, რომელიც მორმონების ეკლესიას წლების წინ გამოეყო და მექსიკაში დასახლდა. სამი დედა და მათი 14 შვილი მანქანებით გადაადგილდებოდნენ, როცა მათ თავს დაესხნენ. ერთ-ერთი ავტომობილი შემთხვევის ადგილზე დამწვარი იპოვეს, რომელშიც დაღუპულები აღმოაჩინეს. ოჯახის დანარჩენი 9 წევრის ადგილმდებარეობა უცნობია.
ადგილობრივი მედია ვარაუდობს, რომ მომხდარში დამნაშავე რეგიონში მოქმედი ნარკოკარტელია, რომლის წევრებსაც ლებარონები მოწინააღმდეგეებში შეეშალათ. მომხდარზე დაწყებულია გამოძიება.
კომენტარები