ინფექციურ საავადმყოფოში მოთავსებულ ჩინეთის არასრულწლოვან მოქალაქეებს A ტიპის გრიპი აღმოაჩნდათ – ამის შესახებ ინფექციური საავადმყოფოს ხელმძღვანელმა თენგიზ ცერცვაძემ განაცხადა. მათ ჩვეულებრივი, სტანდარტული მკურნალობა უტარდებათ.
ჩინეთის 9 მოქალაქე გუდაურიდან თბილისში დღეს ჩამოიყვანეს. მათგან ორს, არასრულწლოვან ტყუპებს, ტემპერატურის მომატება აღენიშნებოდა და ისინი საავადმყოფოში გადაიყვენეს.
ცერცვაძის თქმით, დანარჩენ 7 მოქალაქეს სიმპტომები არ აღენიშნებოდა და ისინი ბინაზე დაავადებათა კონტროლის ცენტრის მეთვალყურეობის ქვეშ იმყოფებიან.
კომენტარები