ნატო გელაშვილი ჟურნალთან “სარკე” ვაჟის, ლუკა ჭოხონელიძის შესახებ საუბრობს და აღნიშნავს, რომ “მხოლოდ ქართულმა” მის შვილს საინტერესო გამოცდილება შესძინა.
ჟურნალის მეშვეობით კომპოზიტორი მადლობას უხდის მუსიკალურ პროდიუსერ მარინა ბერიძეს, რომელიც, მძიმე ვირუსის დროს მის შვილს უვლიდა და ახსენებდა, როდის უნდა დაელია წამალი.
რაც შეეხება პროექტში ლუკას მონაწილეობას:
“რა შუაში ვარ მე საერთოდ? მე და ლელა წურწუმიას 30-წლიანი მეგობრობა გვაკავშირებს, რომელიც იწყება სტუდენტობიდან, მაგრამ ეს ამ პროექტში არაფერს ნიშნავდა. უფრო მეტი პასუხისმგებლობა იყო და ლუკასთვის ჯობდა, არ ყოფილიყო ნატო გელაშვილის შვილი. ლუკა პიროვნულად არ არის ისეთი ადამიანი, რომელიც ვიღაცის ზურგს ეფარება. თუ რამეს დამოუკიდებლად გადაწყვეტს, აუცილებლად საკუთარი თავის იმედი აქვს და არა – ნატოსი და ლელასი”.