ინფექციურ საავადმყოფოში ჩინეთის ორი მოქალაქე შეიყვანეს. ორივე პაციენტს მაღალი ტემპერატურა აღენიშნებოდა. მედიკოსების თქმით, არც ერთ მათგანს პნევმონია არ აღენიშნება. ლაბორატორიული კვლევების შედეგების მიხედვით, მათ არც “ა” და არც “ბ” ტიპის ვირუსი არ დაუფიქსირდათ, თუმცა დამატებითი კვლევებისთვის მათი მონაცემები ლუგარის ლაბორატორიაშია გაგზავნილი, რომლის პასუხებიც დღის მეორე ნახევარში გახდება ცნობილი.
“ორი დაავადებული პირი დაგვემატა. ახმეტის რაიონში არის ჰესის მშენებლობა და იქ მომუშავე ორი პირია. ორივე პაციენტი მოთავსებული იქნა ჩვენთან და მიდიოდა შეფასება ამ სიტუაციის. დღეს გაკეთდა კვლევები, გამოირიცხა პნევმონია, გამოირიცხა “ა” და “ბ” ტიპის ვირუსი. ჩაუტარდათ ყველა კვლევა, მდგომარეობა არ არის მძიმე. მათი მდგომარეობა საშუალო სიმძიმისაა.
მეორე პაციენტის მდგომარეობა უკვე თითქმის დამაკმაყოფილებელია, რომელსაც 37.3 ჰქონდა ტემპერატურა და დღეს აღარ აქვს. პაციენტს, რომელსაც ჰქონდა 38 ტემპერატურა და მეტად გამოხატული რესპირაციული სინდრომი, მისი მდგომარეობა ბევრად გაუმჯობესებულია, ტემპერატურა 37.3 აქვს,” – განაცხადა ინფექციური საავადმყოფოს ხელმძღვანელმა, მარინა ეზუგბაიამ.
ჩინეთის ორივე მოქალაქე საქართველოში ქალაქ ჩენდუდად ჩამოვიდნენ. ისინი ახმეტაში, ჰესის მშენებლობაზე იყვნენ დასაქმებულები და ინფექციურ საავადმყოფოში მაღალი ტემპერატურით შეიყვანეს.