საგანგებო შეხვედრა ფოთისა და ხობის ეპარქიაში – მაღალი რანგის სასულიერო პირებთან შეხვედრამდე მეუფე გრიგოლი, ქვეყანაში შექმნილი ვითარებიდან გამომდინარე, საკუთარი ეპარქიის წარმომადგენლებს ხვდება.
ფოთის მიტროპოლიტის თქმით, ზიარების შემდგომ სასმელის მისაღებად ერთჯერადი ჭიქების გამოყენება მრევლში დაბნეულობას იწვევს და სასულიერო პირებმა საერთო პოზიცია უნდა შეაჯერონ.
ზიარების წესის ცვლილებასა და პრევენციულ ღონისძიებებზე სასაუბროდ მეუფეების ნაწილი სინოდის სხდომის მოწვევას ითხოვს.
“ჩვენ ჩამოვყალიბდებით იმდაგვარად, რაც ჩემი მრევლისთვის სასარგებლო იქნება და რაც არ დააზიანებს მათ სარწმუნოებას და არანაირად არ დაამახინჯებს ეკლესიის სწავლებას. ჩემი აზრი ასეთია და სურვილიც, რომ მოწვეული იქნას შეკრება, თუნდაც საგანგებო. მოვიწვიოთ სინოდზე სპეციალისტები უშუალოდ მათგან მოვისმინოთ და ამის გათვალისწინებით შემდეგ ჩვენ ვიმსჯელოთ, რა შეღავათი შეიძლება დაიშვას და რა დაუშვებელია,” – განაცხადა ფოთისა და ხობის მიტროპოლიტმა მეუფე გრიგოლმა.