ლევან რატიანი: 80 წლის პაციენტის მდგომარეობა სტაბილურია

„80 წლის პაციენტის ზოგადი მდგომარეობა ამ ეტაპზე სტაბილურია, სავარუდოდ 14 დღის შემდეგ პაციენტი კლინიკას დატოვებს”,-ამის შესახებ პირველი საუნივერსიტეტო კლინიკის დირექტორმა, ლევან რატიანმა განაცხადა. მისი თქმით, რაც შეეხება ოთხ დაინფიცირებულ პაციენტს, რომელიც კლინიკაში მკურნალობს, მათი მდგომარეობა ჯერჯერობით კვლავ სტაბილურია.
“პირველ საუნივერსიტეტო კლინიკაში ამ დროისთვის 79 პაციენტი იმყოფება, გუშინ ლუგარის ცენტრში რამდენიმე სინჯი გაიგზავნა, ყველა უარყოფითი პასუხი მივიღეთ, რაც მკვეთრად სასიხარულოა.
ასევე მინდა, დავამატო, რომ ვინაიდან არ ვიცით, რა ბუნება გააჩნია ამ ვირუსს, რომელ ეტაპზე რა შეიძლება, გამოვლინდეს, ჯერჯერობით ვაკვირდებით ამ პაციენტებს. უარყოფითი დინამიკა არ ვლინდება, სუნთქვის უკმარისობის კლინიკა მოხსნილი აქვთ. იმედია, ყველაფერი გაგრძელდება დინამიკაში დადებითად. თავს ვიკავებ თქმისგან, რამდენის ნიმუში გადაიგზავნება, რამდენი მოვა, ამას წყვეტენ ეპიდემიოლოგები. მთავარია, რომ გაგზავნილი ნიმუშები ყველა მოდის უარყოფითი.
​80 წლის პაციენტის ზოგადი მდგომარეობა ამ ეტაპზე სტაბილურია. მოგეხსენებათ, რომ მე-14 დღეს უნდა ჩატარდეს განმეორებითი ტესტი. ჩვენ მივყვებით ყველა პროტოკოლს, რომელიც ჯანდაცვის მსოფლიო ორგანიზაციის მიერ არის მოწოდებული. ვვარაუდობთ, რომ ეს ქალბატონი სავარაუდოდ მე-14 დღის შემდეგ გაეწერება ბინაზე, ვინაიდან ასეთი მკვეთრი დადებითი დინამიკა გააჩნია ამ ეტაპზე“, – განაცხადა ლევან რატიანმა.