მერილენდის პოლიციამ ამერიკელი სენატორის რობერტ კენედის შვილთაშვილის ცხედარს მიაგნო. 8 წლის გიდეონ მაკკინი დედასთან ერთად, გასულ კვირას, კანოეთი მოგზაურობისას დაიკარგა. ინფორმაციას Independent-ი ავრცელებს.
მყვინთავებმა ცხედარი ხუთდღიანი ძებნის შემდეგ იპოვეს. დედა-შვილი ჩესაპიკის ყურეში დაახლოებით ერთი კვირის წინ გაუჩინარდა.
ქალის ცხედარი ამავე ტერიტორიაზე, 6 აპრილს, 2000 მეტრის მოშორებით იპოვეს იმ ადგილიდან, სადაც გიდეონ მაკკინი დაიღუპა.
პოლიცია გარდაცვალების გამომწვევ მიზეზებზე საუბრისას ძლიერ ქარსა და ცუდ მეტეოროლოგიურ პირობებზე მიუთითებს.
კომენტარები