ფოთის ცხელების ცენტრიდან, ლუგარის ლაბორატორიაში გაგზავნილი 5 პაციენტის ანალიზი უარყოფითია. მათ COVID-19 არ დაუდასტურდათ. რაც შეეხება ცხელების ცენტრში დღის მეორე ნახევარში, ქობულეთიდან შესულ 2 პაციენტს, მათი ანალიზის პასუხი ხვალ გახდება ცნობილი.
“ლუგარის ლაბორატორიიდან 5 პაციენტზე უარყოფითი პასუხი მივიღეთ, ესენი არიან ორი ოზურგეთიდან, ორი ქობულეთიდან და ერთი ადგილობრივი. ახლა აღებულ იქნა კიდევ ორ პაციენტზე ბიოლოგიური მასალა და ლაბორატორიაში დილით გაიგზავნება. ორივე პაციენტი ასაკოვანია – 82 და 86 წლის მამაკაცები პნევმონიით. მათ მოგზაურობის ისტორია და ინფიცირებულთან კონტაქტი არა აქვთ, მაგრამ, გამომდინარე, იქიდან, რომ ასაკოვნები არიან და აქვთ გარკვეული ქრონიკული დაავადებები, ამიტომ ჩავთვალეთ საჭიროდ აგვეღო ნიმუშები,”- განაცხადა საზოგადოებრივი ჯანდაცვის ცენტრის დირექტორის მოადგილემ ზინაიდა გაგუამ.