ამირან სალუქვაძე: პირბადეები დოლბანდისაა და სადგისივით ესობა ზოგიერთს

სამხედრო საქმის სპეციალისტი და თადარიგის გენერალი, ამირან სალუქვაძე სიცრუეს უწოდება მედიის ზოგიერთ საშუალებაში გავრცელებულ ინფორნაციას, თითქოს, მთავრობამ ქართული წარმოების პირბადეები დაიწუნა, აღარ ყიდულობს და შეკვეთა 500 ათასიდან 100 ათასამდე შეამცირა.
როგორც სალუქვაძე სოციალურ ქსელში წერს, ხელშეკრულება ჩასწორდა, თუმცა საუბარია ორი ტიპის პირბადეზე, კერძოდ, სამ- და თორმეტშრიანზე.
„კი, ხელშეკრულება ჩაასწორეს, მაგრამ ხომ უნდა განასხვაოთ ჯანდაცვის სამინისტრო ეკონომიკისგან, ერთი ტიპის პირბადე მეორისგან, 3-ფენიანი 12-ანისგან, ერთჯერადი ქირურგიული მრავალჯერადი საყოფაცხოვრებო ან სამედიცინოსგან?
ეკონომიკის სამინისტროს 12-შრიან პირბადეებისა და შეკვეთის მოცულობა არ შეუმცირებია. ჯანდაცვის უწყება 3-შრიან პირბადეებს უკვეთავდა სხვა სამკერვალოს და მოცულობა შეუმცირა 500-დან 100 ათასამდე“, – წერს სალუქვაძე.
მისი თქმით, ეკონომიკის სამინისტროს დაკვეთას, ანუ 12-შრიანი პირბადეების კერვას ახორციელებენ შპს აჭარა ტექსტილე, შპს მოვი, შპს ემჯიემტექს, შპს ჯეორჯიან პროდაქტს, შპს სამკერვალო კომპანია იმერია, შპს ისტანბულ ბაზარი, შპს BTM-TEXTILE, შპს ჯეორჯიან ტექსტილი და მათთან ხელშეკრულება არ შეჩერებულა.