ჩემს კრიტიკას Facebook-ში ლანძღვითა და გინებით არ უპასუხოთ, – ამის შესახებ დიდი ხუთშაბათის წირვაზე ქადაგებისას თბილისის ვაკის მაცხოვრის ფერიცვალების სახელობის ტაძრის წინამძღვარმა მამა შალვა კეკელიამ განაცხადა.
მამა შალვა კეკელიამ მრევლს მოუწოდა, რომ ეს ქრისტიან ადამიანს არ ახასიათებს და მათ მეტი მოთმენა მართებთ.
„ის ადამიანები, ვინც ტაძარში დადიხართ, გთხოვთ, ნუ განიკითხავთ მათ, ვინც არ დადიან და პირიქით.
სათხოვარი მაქვს ყველასთან, რომ ვინც ინტერნეტსა და facebook-ს იყენებთ, როცა ხედავთ ვინმე მლანძღავს, გთხოვთ, ნუ გასცემთ პასუხს. რაც უნდათ ის წერონ გლვანძღონ, ამას მნიშვნელობა არ აქვს.
გინებით, როდესაც ადამიანი იგინება და შენ მას აგინებ ამით ქრისტიანობას ვერ გამოხატავთ.
ქრისტეც ლანძღეს, მე ქრისტეს კი არ ვადარებ საკუთარ თავს, ქრისტიანები მზად ვართ ნებისმიერი საყვედური მივიღოთ.
რაც მე მთელი გულით ვიცი ვაკეთებ, იმიტომ, რომ ღმერთი მთელი არსებიშ მიყვარს“ – განაცხადა მამა შალვა კეკელიამ.