“დარჩით სახლში, მე და ჩემი თანამშრომლები უკვე მესამე თვეა ძირითადად კლინიკაში ვცხოვრობთ”

დარჩით სახლშია, იმიტომ რომ, და მე და ჩემი თანამშრომლები უკვე მესამე თვეა ძირითადად აქ ვცხოვრობთ, – ამის შესახებ ჟურნალისტებს ინფექციური საავადმყოფოს სამედიცინო დირექტორმა განუცხადა.

„მესამე თვეა, ჩვენი დაწესებულება ასეთ მდგომარეობაში ვართ. დარჩით სახლში, რადგან მე და ჩემი თანამშრომლები მესამე თვეა, ძირითადად, ვცხოვრობთ ცენტრში. ჩვენი ცხოვრების წესია მხოლოდ სამსახური და გარკვეულ პერიოდში ვისაც შეგვიძლია, სახლში წასვლა. აქედან გამომდინარე, შეიძლება ძალიან რთული იყოს, ვიყოთ სახლში და დავრჩეთ სახლში, მაგრამ ეს აუცილებლად უნდა შევასრულოთ. სახლში უნდა დავრჩეთ, რომ ერთმანეთს გავუფრთხილდეთ, ერთმანეთს ვაჩუქოთ სიცოცხლე, ქვეყანა გადავარჩინოთ რყევებისგან და ხვალ გვქონდეს ნათელი და კარგი მომავალი. ძალიან გთხოვთ, სახლში დავრჩეთ“, – განაცხადა ეზუგბაიამ.