18 აპრილს მორიგი სპეცრეისი განხორციელდა, რომლითაც ისრაელიდან საქართველოს 154 მოქალაქე დაბრუნდა.
მგზავრებს თბილისის აეროპორტში შემოწმება ჩაუტარდათ. მგზავრთა შორის იყვნენ საქართველოს არასრულწლოვანი მოქალაქეები, სტუდენტები, სხვადასხვა ქრონიკული და მიმდინარე დაავადებების მქონე პირები, ასევე, ტრანზიტული მგზავრები აშშ-დან.
უცხოეთში მყოფი საქართველოს მოქალაქეების სამშობლოში ეტაპობრივი და ორგანიზებული დაბრუნების მიზნით, საკოორდინაციო საბჭოს დავალებით, ევროპიდან საქართველოს მიმართულებით რეისებს კომპანია „ჯორჯიან ეარვეისი“ ახორციელებს. რეისები ხორციელდება ჯანდაცვის მსოფლიო ორგანიზაციის წესის სრული დაცვით და ყველა მგზავრი, რომელიც ჩამოდის საქართველოში, გაივლის 14 დღიან სავალდებულო კარანტინს.
ისრაელში საქართველოს საელჩოს ორგანიზებით, ამავე რეისით ჩამოიტანეს წმინდა ცეცხლის იერუსალიმიდან საქართველოში.