აჭარაში კორონავირუსით გარდაცვლილი პირველი პაციენტი გურიაში, სოფელ ვაკიჯვარში დღეს დაკრძალეს. ინფორმაცია ,,რეგიონულ კვირას“ ბათუმის ,,მედალფას“ კლინიკის დირექტორმა დაუდასტურა.
ლევან ანთაძის თქმით, გარდაცვლილს ყველა საჭირო პროცედურა ჩაუტარდა, შესაბამისად ქალს ყველა წესის დაცვით დაკრძალეს.
72 წლის ქალი ქობულეთის კლასტერიდანაა და იგი მეუღლესთან ერთად ქობულეთის მუნიციპალიტეტში წლების განმავლობაში ცხოვრობდა. გავრცელებული ინფორმაციით, გარდაცვლილის მეუღლეც კორონავირუსითაა დაავადებული და იგი მკურნალობას ,,მედალფას“ კლინიკაში გადის. მისი ჯანმრთელობის მდგომარეობა სტაბილურია.
შეგახსენებთ, რომ ბათუმის ცხელების კლინიკაში კორონავირუსზე 37 პირი მკურნალობს.
კომენტარები