ცოტა ხნის წინ ცნობილი გახდა, რომ „მთავარი არხის“ საინფორმაციო სამსახურის უფროსმა ნოდარ მელაძემ სამსახური ოფიციალურად დატოვა. მან ამის შესახებ „ფეისბუქზე“ დაწერა.
საინფორმაციო სააგენტო „პრაიმტაიმი“ წერს, რომ მელაძესთან ერთად, ტელევიზია დატოვეს ჟურნალისტებმა ვასილ დაბრუნდაშვილმა, ეკო მაღრაძემ და მაკა ანდრონიკაშვილმა.
აღნიშნულთან დაკავშირებით, სააგენტო ვასილ დაბრუნდაშვილის კომენტარს აქვეყნებს:
– ვასილ, გავრცელდა ინფორმაცია, რომ „მთავარი არხი“ დატოვეთ, მართალია?
– რამდენიმე დღეა, რაც არხი დავტოვე, თუმცა ეს არხის შიდა საკითხებია და მიზეზებზე საუბარს არ დავიწყებ.
– ნოდარ მელაძის წასვლამ მოახდინა გავლენა თქვენს გადაწყვეტილებაზე?
– ბევრი ფაქტორი იყო, რის გამოც ტელეკომპანია დავტოვე.
– სად გააგრძელებთ მუშაობას?
– ჯერჯერობით არაფერი არ ვიცი, სახლში ვარ და ვისვენებ.