27 აპრილიდან მსუბუქი ავტომანქანებით გადაადგილების განახლება საქალაქთაშორისო ტრანსპორტზე არ ვრცელდება. გახარიას თქმით, მხოლოდ ორი დღე დაუშვებენ გამონაკლისს, რომ მოქალაქეებმა რეგისტრაციისა და სამუშაო ადგილებზე დაბრუნება შეძლონ:
“27 აპრილიდან მსუბუქი ავტოტრანსპორტი თავისუფლად გადაადგილდება, მაგრამ ეს არ ნიშნავს იმ შეზღუდვების მოხსნას, რომელიც დაწესებულია საგანგებო მდგომარეობის ფარგლებში საქალაქთაშორისო გადადგილებაზე და იმ შეზღუდვებზე, რომელიც დაწესებული იყო დიდი ქალაქებისთვის – თბილისი, ქუთაისი, ბათუმი, რუსთავი – ეს შეზღუდვები შენარჩუნდება.
მაგრამ იმის გათვალისწინებით, რომ შეზღუდვების დაწესება დაემთხვა სააღდგომო დღესასწაულს და ბევრი ჩვენი მოქალაქე იყო გასული რაიონში, ჩვენ გავაკეთებთ გამონაკლისს ორი დღით – ორშაბათს და სამშაბათს ექნებათ შესაძლებლობა დაბრუნდნენ რეგისტაციის ადგილებზე, ან სამუშაო ადგილებზე. ამ ორი დღის შემდეგ კი დაწესებული შეზღუდვები საქალაქთაშორისო მოძრაობის შეზღუდვაზე და ქალაქების ჩაკეტვაზე აღდგება. ამას ვაკეთებთ იმისთვის, რომ გაყოფილი ოჯახები შეერთდეს და ეს დისკომფორტი მოვუხსნათ მოქალაქეებს” – განაცხადა გახარიამ.