ახალციხის ცხელების ცენტრში მოთავსებულ მამაკაცს, ლაბორატორიული კვლევებით COVID-19 დაუდასტურდა. ის ვირუსისთვის დამახასიათებელი სიმპტომებით, საკარანტინო ზონიდან კლინიკა “იმედში” მოწყობილ ცხელების ცენტრში გადაიყვანეს. მისი ბიოლოგიური მასალა ლუგარის ლაბორატორიაში გააგზავნეს, საიდანაც პასუხი დღეს მიიღეს.
“ჩვენთან გუშინ შემოიყვანეს, დღეს დილით პასუხების მიღების შემდეგ წაიყვანეს, სავარაუდოდ გორის ჰოსპიტალში გადაიყვანეს. ჩვენი რეგიონის მაცხოვრებელი არ არის, ახალციხეში მოწყობილ საკარანტინო სივრცეში იმყოფებოდა,” – ამბობს ცხელების ცენტრის ხელმძღვანელი გიორგი ბარძიმაძე.
ამ ეტაპზე ცხელების ცენტრში რვა პაციენტი რჩება, აქედან სამის ბიოლოგიურ მასალა ლუგარის ლაბორატორიაშია გაგზავნილი. პასუხებს სავარაუდოდ, დღეს მიიღებენ.
კომენტარები