”ქართული ოცნება – დემოკრატიული საქართველოს” ოზურგეთის მაჟორიტარი დეპუტატობის კანდიდატმა არჩილ თალაკვაძემ მოსახლეობასთან მორიგი საარჩევნო შეხვედრა ანასეულის დასახლებაში გამართა.
”ჩემო ანასეულელებო, მე არ ვაპირებ არც ერთი ზედმეტი, არც ერთი ყალბი სიტყვის თქმას თქვენთვის. წლების განმავლობაში მთავრობაში ყოფნამ თითოეული სიტყვის აწონ-დაწონვას მიმაჩვია, მაგრამ რაც თქვენთან ასაწონ-დასაწონი არ მაქვს, ეს ჩემი მშობლიური ანასეულის სიყვარულია”, – განაცხადა ანასეულელებთან შეხვედრაზე არჩილ თალაკვაძემ.
დეპუტატობის კანდიდატმა ანასეულელებს სამომავლო გეგმები და საარჩევნო პროგრამა გააცნო. ასევე დეტალურად ისაუბრა ანასეულის მომავალ განვითარებაზე.
კომენტარები