ჩვენ კიდევ ერთხელ მოვუწოდებთ „ნაციონალურ მოძრაობას“, როგორც მთავარ ოპოზიციურ პარტიას, რომელიც ყველაზე მეტად არის პასუხისმგებელი იმაზე, რომ ოპოზიციის კონსოლიდაცია მოხდეს, ყველანაირად ხელი შეუწყოს ამ პროცესს, – ამის შესახებ „გირჩის“ ერთ-ერთმა ლიდერმა, იაგო ხვიჩამ განაცხადა.
„არ მიგვაჩნია სერიოზულად ოპოზიციამ თქვას, შევთანხმდით ექვს რაიონში, მაგრამ ვერ შევთანხმდით დანარჩენ 24 რაიონში, ამიტომ ჩვენ კიდევ ერთხელ მოვუწოდებთ „ნაციონალურ მოძრაობას“, როგორც მთავარ ოპოზიციურ პარტიას, რომელიც ყველაზე მეტად არის პასუხისმგებელი იმაზე, რომ ოპოზიციის კონსოლიდაცია მოხდეს, ყველანაირად ხელი შეუწყოს ამ პროცესს, ნუ იქნება ამ კონსოლიდაციის შემაფერხებელი და დაუბრუნდეს მოლაპარაკების მაგიდას, თუ ეს ასე არ მოხდება, მაშინ მოგვიწევს ინდივიდუალურად მაჟორიტარობის კანდიდატებთან საუბარი, მაგრამ გვინდა რომ აქამდე საქმე არ მივიდეს. გვინდა, მოხდეს ისე, რომ ოპოზიცია საერთო მაჟორიტარული კანდიდატებით გავიდეს არჩევნებზე, იმიტომ რომ ეს არის გამარჯვების წინაპირობა“, – განაცხადა იაგო ხვიჩიამ.