ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის ხელმძღვანელი თენგიზ ცერცვაძე კოჯორში, „ქართული ოცნების“ მიერ მაჟორიტარი დეპუტატობის კანდიდატების წარდგენაზე დასწრების საკითხს ეხმიანება და აღნიშნავს, რომ კოჯორში მისი ყოფნა ნამდვილად იყო „ქართული ოცნების“ მიმართ მხარდაჭერის გამოხატულება, თუმცა ეს არ ნიშნავს, რომ პარტიის უკლებლივ ყველა წევრის საქმიანობა მოსწონს.
„ჩემი იქ ყოფნა ნამდვილად იყო ჩემი მხარდაჭერის გამოხატულება „ქართული ოცნების“ მიმართ. „ქართული ოცნება“ უზარმაზარი ორგანიზაციაა, მაჟორიტარობის დეპუტატობის კანდიდატებიც უამრავია, პროპორციულის კანდიდატებიც უამრავია და რომელიმე ხელისუფლების, პარტიის ან ორგანიზაციის მხარდაჭერა სულ არ ნიშნავს იმას, რომ შენ მხარს უჭერ და მოგწონს მისი უკლებლივ ყველა წევრის საქმიანობა“, – განაცხადა თენგიზ ცერცვაძემ.