დღეს დადასტურებული COVID-19-ის შემთხვევების უმრავლესობა არის დადასტურებული ბათუმში. აქედან 1 არის “კაფე ჰავანას” ინფიცირებული პაციენტების კავშირი, 3 არის საკარანტინო სივრციდან და 1 არის სატვირთო ავტომობილის მძღოლი.
“კაფე ჰავანას” კავშირში მყოფი 60 პირია საკარანტინო სივრცეში გადაყვანილი, თვითიზოლაციაში 27 და ასევე 130 ადამიანის მონაცემია გადაგზავნილი ლაბორატორიაში.
სულ ბათუმის კოვიდ განყოფილებაში არის 25 პირი, ვისაც COVID-19 აქვს დადასტურებული.
“გასული 24 საათის განმავლობაში რესპუბლიკურ საავადმყოფოს დაემატა 5 ახალი პაციენტი COVID-19-ის ვირუსით დადასტურებული შემთხვევა. 6 პაციენტი გამოგვიჯანმრთელდა და გაეწერა და დღეისთვის კლინიკაში 25 პაციენტია.
ახალ შემოსული პაციენტებიდან 1 არის ქობულეთის კონტაქტი, ერთი არის მძღოლი, რომელსაც უტარდებათ გეგმიური ტესტირებები და ამ ტესტირების შედეგად დაუდგინდა COVID-19. 3 პაციენტი არის საკარანტინო ზონიდან. ხუთივე შემოსულ პაციენტს არანაირი ჩივილები არ გააჩნია, მათი მდგომარეობა დამაკმაყოფილებელია,” – განაცხადა ბათუმის რესპუბლიკური კლინიკური საავადმყოფოს მთავარმა ექიმმა გია კიკაბიძემ.