ჩოგბურთელ ნიკოლოზ ბასილაშვილის ადვოკატი, ირმა ჭკადუა მიიჩნევს, რომ ამერიკაში ჩანიშნული მნიშვნელოვანი თამაშის წინ ბასილაშვილისთვის წარდგენილი ბრალის დაზუსტება ყოფილი მეუღლის მხრიდან მის „ფსიქოლოგიურ ტერორს უკავშირდება“. მისივე თქმით, ბრალის დამძიმებაზე საუბარი არის მიზანმიმართული დისკრედიტაცია.
ამასთან, ირმა ჭკადუას თქმით, ბასილაშვილის ყოფილი მეუღლის მხრიდან ფინანსურ მხარეზე საუბარი უხერხულია.
„საუბარი გენდერულ ნიშანზე, ფინასურ და ეკონომიკურ პრობლემებზე ძალიან უხერურხულია. ბატონ ბასილაშვილს ამაზე საუბარი არ სურს. საზოგადოებამ განსაჯოს, თუ რა ეკონომიკური და ფინანსური ვალდებულებები აქვს შესრულებეული ქალბატონ დოროყაშვილთან მიმართებში.
ქალბატონ დოროყაშვილს მოვუწოდებ, შეასრულოს სასამართლო გადაწყვეტილება და ნუ უმალავს ბავშვს ბებიას, ბაბუას და მამას. მან იფიქროს ბავშვის ფსიქო-ემოციურ მდგომარეობაზე. საზოგადოება ძალიან კარგად ხვდება, რასთან გვაქვს საქმე და მათი მხრიდან ფინანსურ მხარეზე ხაზგასმა, სულ ცოტა უხერხულია“, – განაცხადა საზოგადოებრივ მაუწყებელთან საუბრისას ირმა ჭკადუამ.